pantun minang

Lai disauak sumua diladang
Luluak juo nan tabao
Lai den tiru nan bak urang
Nan buruak juo nan tasuo

rang muaro paneh manggaleh lado
Lado di bali anak Kinari
sangko ka paneh lai sampai sanjo
kironyo hujan tangah hari

Guruah patuih panubo limbek
Pandan tajamua disubarang
Walaupun jauah taraso dakek
Asa lai basobok jo adiak sayang

Kalau nak tahu dilamak Limbek
cubo gulai dalam balango
kalau nan dinanti indak dapek
Adiaknyo den nanti juo

guruah patuih panabuih limbek
salung tasanda dipamatang
tujuah ratuih ramukan ubek
basuo juo mako kasanang